Si të përgatiteni për tu shpërngulur? 

Fundi i gushtit ka arritur, që do të thotë se edhe stina e verës po përfundon dhe çdo gjë duhet të kthehet në normalitet. Për shumë persona kjo pjesë e vitit simbolizon dhe fillimin e vitit të ri shkollor. Studentet duhet të shkojnë në qytetet ku ata studiojnë, të gjejnë shtëpi me qera. Pjesa e shpërnguljes është ndoshta dhe pjesa me e vështirë. 

Nëse po vrisni mendjen se si të përgatiteni për tu zhvendosur, keni ardhur në vendin e duhur! Lista e gjërave që duhet të merrni kur zhvendoseni mund të jetë shumë e madhe. Nuk ka nevojë të shqetësoheni, sepse ne jemi këtu për t'ju ndihmuar. Me pak planifikim dhe përgatitje ju mund ta përfundoni listën e gjërave që keni për të bërë pa u stresuar. Më poshtë do të keni një list më gjërat që duhet të bëni, dhe hapat që duhet të ndiqni që të zhvendoseni pa shumë probleme. Le të fillojmë. 

Gjeni shtëpi

Hapi i parë që duhet ndjekur është gjetja e një apartamenti me qera. Vendosni kriteret që dëshironi dhe filloni kërkimet. Kërkimet për një shtëpi me qera jo gjithmonë janë të lehta por ju mund ta bëni më të lehtë për veten tuaj duke kërkuar ndihmen e një kompanie real estate. Agjentet e shitjeve do ju ndihmojnë për të gjetur një shtëpi shumë komode brenda çmimit që ju deshironi të paguani.

Kur të zhvendoseni filloni me organizimin

Në qoftë se doni të largoheni nga shtëpia juaj si profesionist, atëhere duhet të dini që të qënurit i organizuar është sekreti. Filloni disa javë para duke berë një axhend me gjithë gjërat që duhet të bëni në javët në vazhdim. Ja disa këshilla që mund të ndiqni.

Bli një axhend dhe fillo me planifikimin 

Gjëja e parë që duhet të bësh është të marrësh një axhend apo fletore ose të krijoni një dokument në kompjuterin tuaj. Në këtë mënyrë do të keni një vend ku të shkruani çdo gjë që do ju duhet të beni. Krijoni dosje të veçanta se ku do të vendosni një dosje të cakuar për dokumentat tuaj personale si passporta, certifikata te  ndryshme apo fatura të rendësishme që dëshironi ti mbani.

Bëni inventar 

Kur të filloni procesin e shpërnguljes ju këshillojmë të beni një inventar me të gjitha gjerat tuaja që sduhet  ti harroni tek shtëpia e vjetër. 

Merrni vendime të rëndësishme 

Ka shumë vendime që duhen marrë kur jeni duke u përgatitur për tu shpërngulur, për ta bërë jetën tuaj më të lehtë përgjigjuni këtyre pyetjeve, Në këtë mënyrë do të jeni të informuar dhe të përgatitur kur të vi dita e shpërnguljes. A duhet të punësoni një kompani për tu zhvendosur? Apo do të zhvendoseni me makinën tuaj? Çfarë lloj kutish do të përdorni: plastike, të ricikluara apo kuti të reja?

Mësoni si të paketoni 

Një pjesë shumë  e rendesishme e përgatitjes për tu shpërngulur është dhe paketimi. Ju duhet të keni aftësi shumë të mira të paketimit. Si do ti vendosni varëset? Si do ti mbani të organizuara kabujt elektrik dhe fishat e karikimi? Na lini t’ju tregojmë disa hile të vockla që do ju ndihmojnë.

Blini organizuesit e duhur 

Të shpërngulesh është goxha e kushtueshme pasi duhet të harxhosh para me paisje që nuk ju duhen. Si për shëmbull, kutitë që do blini për të futur gjërat tuaja përsonale. Keni shumë libra por pak rroba që duhen varur atëhere ju duhen kuti të tilla.

Të dini si të paketoni

Disa gjëra janë më të vështira për tu paketuar se sa të tjerat. Duhet të dini si të paketoni gjërat delikate në këtë mënyrë nuk do të prishen. Futini bizhuterite tuaja në qese plastike, për varset përdorni pipa dhe kyçini aty, bejni foto se si keni lidhur që kur të shkoni në shtëpinë e re të mos keni probleme. Dhe gjithmon vendosini etiketa kutive tuaja pasi nuk do të doni që të vendosni kutinë e librave siper kutisë se qelurinave.

Hiqni gjërat e tepërta 

Ka shumë mundësi që mos t’ju duhet çdo gjë që ju keni, vetëm në qoftë se jeni minimalist. Konsiderojeni procesin e shpërnguljes si një mënyrë për të hedhur gjëra që nuk ju duhen më ose për t’i shitur ato.

Paketoni me rregull

Për aq kohe sa nuk e keni me nxitim, ju mund të filloni të paketoni me faza. Mund të filloni me rrobat që nuk janë të stinës. Futni në kuti apo valixhe dhe bëjini gati për tu dërguar në shtëpinë e re. Më pas filloni me rrobat që i përdorni shumë rallë. Gjerat e fundit që duhet të paketoni janë dokumentet e rendësishme, pasi në këtë mënyrë nëse ju duhen do ti gjeni të para.

Gjërat që nuk duhet të harroni para se të ikni

Para se të largoheni nga shtëpia juaj e vjetër dhe të dorëzoni çelësat, janë disa gjëra që nuk duhet ti harroni. 

Nese jeni duke u larguar dhe nga lagjia, kujtohuni të merrni rrobat nga pastrimi kimik dhe gjithashtu të ktheni librat që keni marr në bibloteke. Në qoftë se shkoni në palestër, lajmërojini që do të largoheni ose pytini nëse ka mundësi ta transferojnë në një pikë me afër jush.

Kërkoni mbrapsht depozitën tuaj të sigurisë. Nëse jetoni me qera ju e dini se për çfarë po flasim. Lajmëroni pronarin e shtëpisë 30-14 ditë para se të largoheni, në këtë mënyrë ju mund të merrni mbrapsht paratë që keni paguar kur keni hyrë në fillim.

Pasi të keni përfunduar më përgatitjen e dokumentacionit, të keni firmosur kontraten për shtëpinë e re, sigurohuni që të lini çdo gjë në rregull në shtëpinë ku keni jetuar deri tani. Gjëja e parë që duhet të bëni është që të lajmëroni pronarin e shtëpisë 30-60 ditë para se të largoheni. Më shumë mundësi ata do ju kontaktojnë për ta marr vesh nëse do ta rinovoni kontratën. Nëse kjo nuk ndodh duhet të jeni ju ata që duhet të bëni telefonatën.