Si të bëheni Dado-Kualifikimet dhe përvoja që kërkohet

Të jesh dado do të thotë të jesh e gatshme që të ofrosh shërbime jo vetëm të kujdesesh për fëmijë por nëse kërkohet edhe të marrësh ndonjë detyrë tjetër siç është pastrimi I shtëpise.

Si dado mund të punoni part-time ose full-time dhe ka raste ku dadot jetojnë për një kohë me familjet për të cilat punojnë.

Kualifikimet që kërkohen:

Nuk nevojitet ndonjë gradë, apo diplommë për të punuar si dado, mirëpo secila familje pret që ju te keni përvojë në kujdesjen ndaj fëmijëve. Gjithashtu duhet të keni edhe aftësi të tjera si:

Të jeni të durueshëm – ndonjëherë ju duhet që të punoni me fëmijë shumë të vegjël dhe ka raste që duhet të punoni me më shumë fëmije prandaj durimi është një aftësi që ju duhet ta keni në këtë punë.

Të sjellshëm dhe të ndjeshëm – duhet të jeni të shoqërueshëm me fëmijet dhe kjo do të thotë që duhet të jeni të sjellshëm dhe ti kuptoni kur ata nuk ndjehen rehat pa prindërit afër.

 Të jeni komunikativ – ju duhet të jeni të kuptueshëm dhe të shoqërueshëm e gjithashtu edhe komunikativ. Nevoja për një komunikim të mirë dhe të kuptueshëm është shumë e rëndësishme në këtë profesion.

Aftësi për të punuar nën presion – Nëse keni për të punuar me më shumë se një fëmijë e gjithashtu të kujdeseni për gjëra të tjera në shtëpi, duhet të jeni të gatshëm të kryeni disa punë në të njëjten kohë dhe të keni aftësi ti kryeni këto punë mirë nën presion.

Aftësi për tu adoptuar në ambiente të ndryshme – Kur punoni si dado ju do të vizitoni shumë familje për të cilat do të punoni, prandaj ju duhet të mësoheni me ndërrimin e ambienteve kur jeni duke punuar me familje të ndryshme.

Hapat që duhet ndërmarrë për tu bëre dado:

1. Bëni përvoje në kujdesin ndaj fëmijëve

Dadot duhet të kenë sa më shumë përvoje në kujdesin ndaj fëmijëve, këtë pëvoje e fitojnë kryesisht duke u kujdesur për fëmijet e të afërmve në përvojen personale. Përvoja e kërkuar varet nga familjet e ndryshme.

2. Mbledhni referenca

Gjersa bëni përvoje si dado mblidhni referenca nga familjet, qendrat ose shkollat me të cilat punoni. Duke pasur shumë referenca dhe rekomandime nga familje të ndryshme prindërit e ndryshme do ta kenë më të lehtë për të ju besuar juve.

3. Kryeni trajnim të çertifikuar

Zakonisht për tu bëre dado nuk kërkohet ndonjë çertifikim, mirëpo ka familje që preferojnë që të keni një diplomë të ndonjë trajnimi të lidhur me kujdesjen ndaj fëmijëve.

4. Bashkohu me ndonjë organizatë profesionale

Duke u bashkuar në ndonjë organizatë profesionale për dado do ta keni më të lehtë që të gjeni familje që kanë nevojë për dado, dhe mund të ju avancojnë në karrierën tuaj.

Përse të bëheni dado

Kuptohet që mund të jetë pak e frikshme për ju që të punoni në një rol me kaq shumë përgjegjësi, mirëpo kjo punë ka edhe benefitet e saj.

Ndjenja e të qenit pjesë e një familje tjetër është diçka që nuk të jep asnjë punë tjetër. Përveç kësaj ju mund të mësoni edhe aftësi të tjera që do te ju duhen në rolet e ndryshme të punës që do të keni në të ardhmen. Të punuarit si dado është një hap I rëndesishëm drejt punëve më të avancuara në kujdesjen ndaj fëmijëve.