A duhet të blejmë një makinë të përdorur e cila ka pësuar një aksident?

Imagjinoni këtë: Sapo keni pare një makinë të përdorur e cila mund të jetë makina e endrrave të juaja. Është modeli i duhur, viti i duhur i modelit, ka të gjitha opsionet që ju kërkoni dhe çmimi i saj është fantastik. Por…Duhet të ketë gjithmonë një por? Po, sepse siç rezulton, makina e përdorur që e keni vënë syrin ka qenë më parë e përfshirë në një aksident. Pra, çfarë do të bëni më pas?

Arsyet pse mund të blini një makinë të aksidentuar

Nëse jeni ai lloj blerësi i makinave të përdorura që dëgjon fjalën aksident dhe shqetësoheni, atëherë ndoshta blerja e një makine të përdorur që ka pësuar një aksident nuk është për ju. Megjithëse, kur bëhet fjalë për blerjen e një makine të përdorur, ia vlen të jesh mendjehapur.

Megjithatë, blerja e një makine të përdorur që ka pësuar një aksident mund t'ju kursejë para. Çmimi mund të jetë rreth 500 dollarë më pak për një makinë të përdorur që ka pësuar një aksident. Nëse vendosni të blini një makinë të përdorur që është aksidentuar, sigurohuni që të konfirmoni statusin e targave të saj, ku janë bërë riparimet dhe nëse makina ka nevojë për ndonjë riparim ekstra.

Arsyet pse NUK duhet të blini një makinë të aksidentuar

Padyshim që arsyeja kryesore është sepse ka qenë në një aksident. Ka edhe më shumë se kaq. Të mos blesh një makine të përdorur për arsye se ka pësuar në një aksident është një arsye mjaft e fortë. Por arsyeja kryesore për të shmangur blerjen e një makinë të përdorur që është përfshirë në një aksident është se aksidentet mund të shkaktojnë dëme afatgjata. Në disa raste, ai dëmtim mund të shkaktojë probleme të tjera në rrugë, edhe nëse makina është riparuar.

Edhe cilësia e riparimit nuk është gjithmonë e përsosur. Riparimi i një makine pasi ka qenë në një aksident është i vështirë. Ndërsa disa servise kujdesen shumë për të riparuar automjetet që u kanë sjellë klientët, disa të tjerë fokusohen më pak te cilësia dhe më shumë në "rregullimin" e makinës sa më shpejt të jetë e mundur.

Këshilla për të blerë makina të përdorura të dëmtuara

Nëse vendosni të blini një makinë të përdorur që ka pësuar një aksident, ka disa gjëra që duhet të mbani parasysh. Gjërat e para fillimisht nxirrni raportin e historisë së automjetit të makinës. Ky raport do t'ju japë njohuri më të mira për riparimet që i janë bërë kësaj makinë. 

Është thelbësore të kuptohet se në cilin servis është rregulluar makina. Siç u përmend më parë, jo të gjithë mekanikët bëjnë punë të shkëlqyera. Ju do të dëshironi të dini emrin e servisit që rregulloi automjetin dhe të kuptoni llojin e punës që ata bëjnë. A janë ata me reputacion të mirë? Të besueshëm? Konsideroni të kërkoni ndihmën e një mekaniku tjetër të besuar për të vlerësuar gjithashtu cilësinë e riparimit.

Si të identifikoni një makinë të aksidentuar?

Edhe nëse ndodh vetëm një aksident i vogël gjatë parkimit, makina nuk quhet më e padëmtuar. Çdo dëmtim i shkaktuar nga ndikimi i jashtëm gjatë një aksidenti që shkon përtej defekteve të vogla klasifikohet si dëmtim i aksidentit.

Logjikisht, një makinë e tillë vlen më pak sepse kostoja e riparimit që kompania e sigurimit do të paguante ose ka paguar, në bazë të një vlerësimi, duhet të zbritet nga vlera e tregut.

Në thelb, edhe një fillestar mund të përcaktojë nëse një automjet është një makinë e përdorur pa aksidente apo jo. Gjithçka që duhet të bëni është të ekzaminoni makinën, mundësisht gjatë ditës, për të kërkuar gërvishtje dhe goditje që mund të identifikohen shpejt. Këto lloj dëmtimesh janë të dukshme vetëm nëse makina është larë rishtas – gjë që zakonisht ndodh në shumicën e rasteve. Në fund të fundit, automjeti duhet të lërë një përshtypje të mirë. Më poshtë do gjeni të listuara disa mënyra se si mund të identifikonki makinat e përdorura të aksidentuara. 

Ekzaminoni bojën 
Duke ekzaminuar bojën e makinës mund të zbuloni shumë gjëra për makinën e përdorur që po mundoheni të blini. Mund të shihni gërvishtje ose të dalloni gjurmë ndryshku. Gjithashtu mund të kuptoni nëse kjo makinë është lyer së fundmi, gjë që mund të jetë treguesi kryesor që kjo makinë mund të këtë pësuar aksident.

Vëzhgoni gomat e makinësNëse gomat janë të dëmtuara duhet që patjetër të pyesni shitësin nëse kjo gjë ka ndodhur për shkak se pronari i makinës ka qënë pak i ngathët për të parkuar apo ngaqe ka pësuar ndonjë aksident. Në qoftë se ka ndodhur ndonjë aksident duhet që ta dërgoni tek mekaniku juaj i bësuar që të kuptoni më shumë për dëmet e saj dhe difektet që mund të vijnë pas këtij aksidenti. Nëse jo, mund të kërkoni fare lehtë për një palë goma të reja duke klikuar këtu.

Bëni një xhiro provë
Inspektimi vizual është vetëm një pjesë e testit të aksidenteve. Pjesa tjetër është xhiroja prove. Kur e bëni këtë, duhet t'i kushtoni vëmendje sjelljes së timonit. Nëse i hiqni duart nga timoni gjatë një rruge të drejtë, makina duhet të vazhdojë të ecë drejt për pak kohë. Nëse automjeti tërhiqet në një drejtim ose në tjetrin, duhet të pyesni shitësin pse është kështu. Sa lehtë mbyllet dera e makinës është gjithashtu një mënyrë për të provuar. Duhet të mbyllet pa shumë zhurmë ose përpjekje. Nëse nuk ndodh, ky mund të jetë një tregues i një aksidenti, sepse dera ose është deformuar ose është zëvendësuar pas një aksidenti.

Principi i të hedhurit një sy të dytë
Gjatë inspektimit, është mirë që automjeti të ekzaminohet me dhe me një ndihme sipas principit i të hedhurit një sy të dytë. Shitësit e aftë shpesh flasin shumë gjatë inspektimit dhe bëjnë që gjithçka të duket e padëmtuar, gjë që mund të shpërqendrojë dhe të mos dalloni dhe ndonjë difekt të dukshëm.