5+ Perimet që mund të rrisni në apartament 

Të gjithë ne jemi të shqetesuar për cilësinë e frutave dhe perimeve që na serviret në dyqanet lokale. Gjithashtu rritja e çmimeve është bërë një faktor shumë shqetësues kohët e fundit ndaj shumë prej jush mund të keni menduar të filloni ti rrisni vetë këto produkte në shtëpinë tuaj si një zgjedhje më të sigurt, të shëndetshme dhe ekonomike.

Ju mund të krijoni një kopsht në çdo lloj ambjenti ndaj mos mendoni se të jetuarit në një apartament do t’ju pengojë nëse doni vërtet ta bëni këtë gjë. Bimët që mund të mbillni në ballkonin e apartamentit tuaj fillojnë nga lulet e zakonshme të shtëpisë deri tek perimet që zakonisht i mbjellim në kopshtet në oborr. Çdo bimë mund të rritet në vazo lulesh deri në një masë të caktuar, ndaj gjithcka ju duhet për të filluar kopshtin tuaj në ballkon janë disa vazo, pleh organik dhe fara ose fidanë të barishteve apo perimeve qe doni të rrisni.

Që të kuptohemi drejt, nuk po flasim për peme si ajo e qershisë, por për bimë më të vogla të cilat nuk zënë shumë vend dhe mund të mjaftohen me një cep të ballkonit tuaj. Si fillim mendoni se çfarë konsumoni zakonisht dhe me cilat bimë do të doni të eksperimentoni dhe lexoni sugjerimet tona për tu frymëzuar.

Kush nuk do të donte të kishte disa erëza të freskëta për t’ja shtuar supës apo çdo recetë tjetër që mund të jeni duke gatuar? Është e mrekullueshme të kesh disa erëza të fresketa afër sa herë gatuan prandaj ju mund të provoni ti rrisni vetë këto erëza, si: Borziloku, Nenexhiku, Rozmarina etj. Shumica prej jush mund të kenë parë në familjet e tyre nënat apo gjyshen të mbjellin bimë të tilla në vazo apo në oborr dhe ndoshta janë familjar me mënyrën se si ato kultivohen. Nëse jo, ne po ju japim disa këshilla të rëndësishmë për rritjen e secilës prej tyre që do t’ju ndihmojnë të filloni nga puna.

Bimën e borzilokut mund ta mbillni shumë lehtë me fara, që mund ti gjeni në një fidanishte, ose mund ta blini të mbjellë në vazo. Ja si mbillen farat e borzilokut: duhet të merni nje vazo lulesh të mbushur mbi gjysmën me pleh organik  të lagur dhe ti vendosi farat ay dhe në fund mbështilleni me një qese plastike dhe vendoseni në një vend ku bie dielli sepse farat kanë nevojë për ngrohtësi. Qesen plastike mund ta hiqni në momentin që farat fillojnë të mbijnë dhe dalin gjethet e para. Gjatë gjithë kohës duhet të kujdesemi që të dheu të jetë i lagur sepse bima ka shumë nevojë për lagështirë.

Nenexhiku është bimë e cila përdoret në shumë shumë lloje recetash, si në receta për vaktet tuaja, po ashtu dhe në ëmbëlsira të ndryshme dhe pije. Për mbjelljen e kësaj bime ju rekomandojmë që të përdorni një degë të vogël nga një bimë tashmë e rritur, sepse nëse e mbillni me fara në vazo do të jetë pak e vështirë të rritet. Këtë mund ta merni duke prerë një degë nga bima e nenexhikut, 15 cm poshtë gonxhes. Degën mund ta vendosni në një kavanoz me ujë dhe ta lini aty derisa të krijojnë rrënjë. Në këtë moment mund ta vendosni në një vazo lulesh me pleh organik të lagësht dhe ta poziciononi në nje vend ku bie dielli gjithmonë.

Ashtu si nenexhiku për të mbjellë një bimë rozmarine me fara kërkon shumë kohë ndaj ju rekomandojmë të merni një degë rozmarine nga një bimë e rritur. Rozmarinën gjithashtu mund ta vendosni në një kavanoz me ujë derisa ti dalin rrënjë dhe në momentin qe rrënjët kanë dalë mund ta mbillni në një vazo me pleh të shkrifët. Vazoja me rozmarinë duhet vendosur pranë dritares sepse ka nevojë për dritë dhe duhet ujitur rrallë, vetëm kur shihni se dheu është tharë plotësisht.

Ju mund ta mbillni sallatën jeshile me fara ose të blini kubikë tashmë të mbirë në dyqane ku shiten bimë. Nëse zgjidhni ta mbillni vetë me fara në vazo, krijoni gropa të vogla me thellësi nga 2 cm në dhè të përzier me pleh organik dhe vendosni farat. Mundohuni të mbani një distancë nga 30 cm nga  bima në bimë dhe vendoseni kontenierin në vend të ngrohtë me shumë dritë. Kujtohuni gjithmonë ta ujisni  në mënyrë që dheu të jetë gjithmonë I lagësht sepse sallata jeshile kërkon shumë ujë për tu rritur.

Spinaqi duhet mbjellë në vazo me dhe të kulluar dhe të vendoset në një vend pjesërisht në hije. Farat mbillen në gropa të cekta dhe me hapësirë 40 cm nga njëra tjetra dhe duhen mbuluar mirë me dhè dhe pleh organik . Nëse shihni se moti është pak i ftohë i mbuloni të mbjellat tuaja më qese plastike ose mbrojtëse për bimët që të mos prishen. Kujdesuni që te ujisni rregullisht që dheu të mos thahet plotësisht.

Qepët e njoma janë një nga perimet më të lehta për tu rritur në kushte shtëpie kur nuk kemi një kopësht të mirëfilltë në oborr. Do t’ju tregojmë një mënyrë shumë të lehtë për kultivimin e tyre. Herën tjetër që do të blini qepë të njoma, pasi të merni gjthet për gatim, mos i hidhni rrenjët por vendosini në një kavanoz me pak ujë në fund. Vendosni kavanozin në dritare, ku të jetë i mirë ekspozuar në diell dhe lërini gjethet të rriten duke ndryshuar ujin nëse fillon të myket.

Domatet janë një nga ushqimet sinjifikuese të stinës së verës dhe shumë të pëlqyera për sallata dhe gatime të ndryshme. Kujt nuk do ti pëlqente të kishte hardhi domatesh me aromë marramendëse në ballkonin e tij?  

Fidanët e domates mund të rriten shumë dhe të bëhen shumë të mëdhenj dhe të rëndë por nëse keni dëshirë të rrisni domate ne apartamentin tuaj mund të konsideroni të mbillni domate që nuk zgjaten shumë. Gjithsesi sa më të mëdhenj t’i merni vazot aq më mirë do të jetë për bimën tuaj por minimialisht do t’ju duhen kontenierë me një diametër mbi 50 cm.  Duhet të zgjidhni një vendodhje me të paktën 8 orë në diell. Në fidanishte mund të blini fidanë  të vegjël dhe t’i vendosni në vazo që të lejoni të rritet dhe të forcohet kërcelli. Në këtë moment fidani i rritur duhet transportuar në kontenier, por duhet të tregoni kujdes që gjatë transportimit të mos dëmtohen rrënjët. Dhèu duhet të jetë parapërgatitur më fertilizues perimesh, pleh organik, levore të thyera veze dhe 2 tableta aspirin të shtypura. Pas mbjelljes ujisni dhèun anash kërcellit duhet dersa e gjithe sipërfaqja të jetë e lagesht dhe përsëritni të njëjtin proces çdo 10 minuta dersa dheu të arrijë ngopjen. Gjatë ditëve në vazhdim sigurohuni që të ujisni gjithmonë tek rrënjët në mënyrë konsistente.

Apartamentet janë vendbanime shumë të vogla dhe nuk japin shumë mundësi kur flasim për kopshtarinë, por nëse vërtet ju pëlqen të krijoni kopshtin tuaj në një apartament, gjithmonë do të jetë një kënd që e kapin rrezet e diellit në ballkon, perfekt për vazot tuaja.